ديوان أكاليل الإلكتروني لسفراء القلم

.........

..مركب آمونة...مركب الموت...للشاعر رمضان البربري 

...........

في شباب الهجرة غير الشرعية

لوقلنا ضربونا يا بونا
تقولي يا مة الحلزونا
أسهرلك تعصرلي ليمونة
تحكيلي عن مركب آمونة
وشبابنا الداير في طاحونة
ورحلة موتة المضمونة
وحلم شبابة المتهور
بسفرية صعبة ومجنونة
لو قلنا ضربونا يا بونا

لو لاقي شغلانة في بلدك
مرتاحة وتعيش علي كدك
هتلاقي دمعة خدك
ممسوحة ومبأتشي حزينة
والدنيا إللي كانت ضدك
مدت إيديها تساعدك
خليك هنا في بلدك
وحياتك هتكون ميمونة
لو قلنا ضربونا يا بونا

وإياك ترحل وتسافر
الموج في البحر معافر
والرزق إللي مش شرعي
بيسيب صاحبة ويتاخر
يا ولدي يا وردة بيتنا
يا نوارة جوة حارتنا
خليك واحفظ لمتنا
المال مش هو هيبتنا
لو قلنا ضربونا يا بونا