ديوان أكاليل الإلكتروني لسفراء القلم

...........

نبى الرحمة
من ديوان ولسه الفؤاد عطشان
للشاعر/ مصطفى فريد 

............

انت النبى الهاشمى والإمام
للمتقين الزاهدين من غير كلام
يا رسول الحق والحق الصمام
ذكره منجى من المهالك ع الدوام

كامل مكمل يانبى عالى المقام
احمد محمد آخر الرسل العظام
ياشفيع بامر ربى فى يوم الزحام
يا خير من نشر المحبة والسلام

بعثت فينا يارسول بخير دين
هديه غاليه ارسلها رب العالمين
نبى عربى وجاى بدين الله ضمين
قرشى وصلا جماعة بالرسل الكرام

للهدايه الله عليك أنزل رسالته
للى شط عن طريقه وعن مسيرته
وبمحبة وبسماحة الدين نشرته
خلا توب الأرض عفة واحترام

دين ونازل ع الخلايق أجمعين
لاجل يشفى العلة فى القلب الحزين
علم وشريعة كل شئ جواه يقين
قرآن مفسر فى القلوب أعظم وسام

حتى تراب الأرض عاشق فيك أمانتك
والقوامة والجمال والحسن عندك
بدري يخجل لو يشوف نور ابتسامتك
والشمس من ضيك أضائت بانتظام

كلك حبيبى يا رسول الله يا طه
الجنه من عطرك خدت اجمل شذاها
والسما صفيت وما اجمل صفاها
يا جمالها وسط أسراب الحمام

يا للى حبك فى القلوب له طعم تانى
يا تقى الروح يا ساكن روح كيانى
يا للى مالك ضل يا مخلوق نورانى
يا للى بعتك ربى نور ورحمه للآنام

ياخير خلق الله يا أمى يا فصيح
سحر الكلام خلا فينا الديك يصيح
ياللى مقامك عند ربى مقام فسيح
حماك وصانك يا كريم يا ابن الكرام

سقيتنى من شهد الهدايه فى حياتى
علمتنى للمحتاج أخرج زكاتى
ومن شيطانى أستعيذ وأقيم صلاتى
واكون فى أول وقت القيام