ديوان أكاليل الإلكتروني لسفراء القلم

.........

أحمد سليم

..............

ما تيجو نرسم دنيا تانيه
دنيا ذى الصوره ديه
كل حاجه فيها خضرا
فيها جنه ونهر ميه

فيها براءة الطفوله
بتاع زمان
فيها الضحكه الخجوله
ع الوش تبان
فيها القلوب الصافيه
ينبوع للحنان
مفيهاش ألم
مفيهاش جراح
فيها النسيم
فيها نور الصباح
فيها السلام
فيها الوئام
فيها سرب الحمام
فيها الربيع
لكون جميل
الحقد سابه
والحب بديل
فيها الجمال
ولعب العيال
تفرح ببكره
والخوف محال
يارب الحلم يكمل
ونقدر بإيدنا نرسم
ياخوفى من الحلم نصحى
والحزن لوحده يرسم