ديوان أكاليل الإلكتروني لسفراء القلم

...……..

جربى
من ديوان / سيبنى أحلم
للشاعر / مصطفى فريد

...........

إبعدى عن قلبى ٠٠ يوم.
إتنين. ٠٠٠٠ تلاته
إهربى من حبى. ٠٠شهر
اتنين. ٠٠٠٠ تلاته
رغم بعدك
رغم عندك هتلاقينى
جوه منك
غصب عنك
شئ فى دمك
تسمعى صوتى فى صوتك
تضحكينى فى ابتسامتك
وتشوفينى فى عز نومك
صورة أقرب من ملامحك
غيبى عنى ٠٠ إهربى
رغم إنى
فى الحياة محتاج وجودك
مش هاقول لك قربى
ولا من دموعى هتشربى
جربى لحظة خضوعك
لما تطفى لك شموعك
ويبتدى جرح الندم
ينزف ألم
من بين ضلوعك
ينفرط فوق الخدود
عنقود دموعك
وتعذبك نشوة رجوعك
من جديد