ديوان أكاليل الإلكتروني لسفراء القلم

........

عروسه النيل / العنود محمد

.......................

جاية .. ليه

ليه يا دموع جاية النهاردة
تزوريني

المفروض بينا هدنة ...
لا توجعيني

سيبي القلب بجراحه
وابعدي عن عيني

ادي فرصة للضحكة
تعلم علي جبيني

فرضت نفسك عليا ..
ودخلت أيامي ومش
راضية تفارقيني ..

جايبة الماضي ..
و عمري اللي فات
وناوية تغظيني ..

انسي خلاص .. اتهزيت
شوية .. عادي

ضعفت .. والحزن علم
عليا .. عادي

لكن إنك تلازميني ...
وتسكني جوه عيني ..

استحالة .. تكسريني

استحالة .. من النهاردة
تعرفيني ..

لو فارق الحبايب ..
حجتك .. انسيني

هافتكرهم بضحكة حلوة
بذكري جميلة .. بفرحة ...
تملي عمرى .. وتنور سنيني