.......
بقلمى/نور الحمصانى
............
♥♡♥صرخة وجع♥♡♥**********************
كفايه كده يا دنيا عناد
ولحد امتى قافل الباب
غريب ما بين أهل وأحباب
خلى الفرح يدق الباب
ليه واقفه بالمرصاد
فرقتى ما بين كل الاحباب
وقطعتى الحبل مع الأصحاب
كفايه يا دنيا وحنى علينا
خليتى الندل يعلي علينا
ليه الفرح يغلي علينا
لما مفيش حاجه فى أيدينا
يعنى تهونى ع الغلبان
ولما مفيش فى أيديه المال
صوته بيخفي ويدوب دوبان
سبحان مغير الأحوال
حملك كله ع الغلبان
وياما فيكى ضاع جدعان
كفايه تعبنا من الآوهام
حتي الصرخه فينا مكتومه
وكتير ناس عايشه ومحرومه
حملك دايماً ع المسكين
وفيكى كتير عايش مظاليم
حنى يا دنيا وهونى كفايه
صرخت قلب مات جوايا
ليست هناك تعليقات:
إرسال تعليق