.........
علاء عبده
......
احنا جيل حقه ضايع في الحياه
اب تايهه في الحياه و أم مش فاهمه تربيه
بابا ماما احنا محتاجين حضنكم
اسمعونا و افهمونا ادونا ساعه من وقتكم
احنا كبرنا وسطكم و السنين من عمرنا و عمركم
كأنا مش عايشين معاكم
بتسبونا بالساعات و تشوفونا بالصدف
بابا ماما احنا من الشارع علامنا
و الدنيا فاتحه بيبانها احمونا شر الفتن
اسألونا و حاسبونا ع الكبيره و الصغيره
دا اكيد من حقكم
عرفونا الصح فين وجهونا للطريق المستقيم
و ابعدونا عن الغلط
حسسونا إنا منكم عارفين ان الدنيا صعبه
و الحياه بتجري بسرعه
الحقونا من الضياع
و إنا نكبر و نمشي في طريق كله ضرر
الحقونا قبل ما يفوت الاوان
و تلاقونا ضعنا منكم
و ترجعوا تقولوا ياريت
خدنا بالنا من ولادنا
و اديناهم من وقتنا
بقلم علاء عبده.
ليست هناك تعليقات:
إرسال تعليق