................
للشاعر/مصطفى فريد
...........................
عيدى النظر
من ديوان/ ضى نهار
من ديوان/ ضى نهار
فى قسوتك ٠٠
عيدى النظر
جوايا شئ غالى انكسر
من بعد عشرة كام سنه
قلبى إللى عاش لك سوسنه
من قسوتك ضل الطريق
كأنه مات من غير سنه
وبرغم عشقه للحياه
بيدارى جواه ألف آآآه
طرحت سنابل قهر
والحزن إبتلاه
الفكر تاه
عجز وشاب القلب
بعد ما كان صباه
له ضحكه صافيه
وكلمة دافيه ع الشفاه
قلبى الجنين تعبت خطاه
كان كل يوم يدفع تمن ٠٠
صدق المشاعر والحنين
لحظات قلق
فى كاسات أنين
من قسوتك باع الزمن
وبيكره اللحظة إللى فيها
عاش لحبك مؤتمن
وانتى بتضخى العذاب
جوه شرايين الألم
لاجل ما يوصل للبطين
يغرس سنابك غدره
ويسم البدن
النبض رافض يتحقن
من سموم الكدب تانى
حصنه مصل المحن
حالف ليرجع من جديد
يدوس على جبل الجليد
ويعلم القلب العنيد
من بعد جرحك إمتلك
حق التصدى لقسوتك
مش ناوى تانى ينكسر
إستسلمى لحكم القدر
وفى قسوتك٠٠٠٠
عيدى النظر
عيدى النظر
جوايا شئ غالى انكسر
من بعد عشرة كام سنه
قلبى إللى عاش لك سوسنه
من قسوتك ضل الطريق
كأنه مات من غير سنه
وبرغم عشقه للحياه
بيدارى جواه ألف آآآه
طرحت سنابل قهر
والحزن إبتلاه
الفكر تاه
عجز وشاب القلب
بعد ما كان صباه
له ضحكه صافيه
وكلمة دافيه ع الشفاه
قلبى الجنين تعبت خطاه
كان كل يوم يدفع تمن ٠٠
صدق المشاعر والحنين
لحظات قلق
فى كاسات أنين
من قسوتك باع الزمن
وبيكره اللحظة إللى فيها
عاش لحبك مؤتمن
وانتى بتضخى العذاب
جوه شرايين الألم
لاجل ما يوصل للبطين
يغرس سنابك غدره
ويسم البدن
النبض رافض يتحقن
من سموم الكدب تانى
حصنه مصل المحن
حالف ليرجع من جديد
يدوس على جبل الجليد
ويعلم القلب العنيد
من بعد جرحك إمتلك
حق التصدى لقسوتك
مش ناوى تانى ينكسر
إستسلمى لحكم القدر
وفى قسوتك٠٠٠٠
عيدى النظر
ليست هناك تعليقات:
إرسال تعليق