......
الجوهري عبدالله
.......
روحى فيك
فكرت انساك
وارتاح من صدك
وعذابى فى بعدك
وليالى جفاك
قلت لنفسى
بنفسى هاروحلك
مش هابعتلك
لابد اواجهك
واقولّك..
كل اللى ف نفسى
حتى لو اتشقلب
الكون..
برياح..وسموم
حسود..وعزول
كله يهون..
بس انساك
ولما عينى
جت ف عينيك
اتارينى..
بضحك على روحى
وروحى فيك
وكأن عينيك جنيّه
خطفتنى..سحرتنى
شدتنى..اليك
نسيت الدنيا
وجروحها الفانيه
الشك اللى..
زرعته فى جنبى
وغيرتى.. وحيرتى
ووجع قلبى
ولقتنى بكل مافيّه
يجرى عليك..
بناديك..
روحى فيك
روحى فيك
جوهريات
ليست هناك تعليقات:
إرسال تعليق