ديوان أكاليل الإلكتروني لسفراء القلم

 ..................

محمد البكرى

..............

* يعنى إيه إيمان ؟!

( قصيدة الصباح الخميس 13 / 1 / 2022 م )

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الايمان فى قلبك معناه

إنك تقول يارب وتبقى

متأكد إن ربنا سامع !

ولما تطلب منه شيئ

تحسه جنبك وشايفك

فى الكنيسة والجامع !

وتبقى ماشى ف-الدنيا

من غير سند ..

تكتر عليك الحروب

بس إنت زى الوتد !

ومهما الشيطان ياحبيبى

إتشال لفوق .. وإتهبد

ربك قدام عنيك

تميل عليك الدنيا

وانت .. تميل عليه

وتحس إنك بتتسنَد !!!

.....................................................................................................................................

الإيمان .. دا شيئ عظيم

هو عماد الحياة للمؤمنين

ينور طريق الدنيا قدامهم

رغم .. الظلم والظالمين

تخيل ..

لما ربنا بذاته يخش

حياتك ..

وتلاقيه بيقوى قلبك

ويمتلك ذاتك ..

يهمس ف- ودنك

ويقولك أنا جنبك

عارف ظروفك

وديما شايل همك

تلاقى نفسك ..

بقيت كما الجبل

وعلى صخرتك

يبنى الإله معبده

وبطبيعتك الجديدة

تِحتمل ..

ما لا يُحتمل !!!

..........................................................................................................................

بيوت ربنا فى الكون

مبنيه ..

من قلوب المؤمنين

مش طوب وحجارة

ملزوقة بعجنة طين

بيوت ربنا

إنسان وآمن بربه

ولو .. متأخر حبتين

ممكن يبقى آخر واحد

لكن ربنا ..

يحطه .. قدام الجميع

أصل الايمان ..

مش وظيفة وأقدمية

الايمان تسليم حياة

والأعمال بالنية ..

ارجع لربك

مهما كنت بعيد

إرجعله ..

بقلب زى الحديد

وماتتهزش ..

من حروب الشيطان

هيعمل معاك كتير

لجل يرجعك خسران

بس إوعى تنسى

اللى ف- سكة ربنا

مش خسران ..

ولا يقدر عليه شيطان !

!´¯)

`•.¸.•´

¸.•´¸.•¨) ¸.•¨)

(¸.•´ (¸.•´ (¸.•¨¯`? .

~ د / ? محمد ? البكرى ?