......................
مصطفى كرم
................
****رتوش****
معرض وفيه كل الوشوش
وش بيبكي ووش بشوش
ووش من غير ملامح متعرفوش
البركة ف الألوان والرتوش
وجوه بريئة تتقلب لوحوش
أقنعة زايفة متستغربوش
حزين ولابس قناع السعادة
من دنيا قاسية مترحموش
ووش برئ من ظلم البشر
كان لازم يبقى وحش متظلموش
عايش في دنيا غابة
إزاي يحمي نفسه مينهشهوش
ودا صاحب خان رفيقه
والعيش والملح ممنعهوش
راسم علي الوش ضحكة
ييكدب علي صحبه كدبة
وفي لحظة ياحواش حوش
ودا أب حمله تقيل
م الدنيا عمال يشيل
بنت وجواز آشيه وجهاز
والإيد فاضية بكمبيالة قاضية
يدخل لمان أسى وحرمان
والفرح متمهوش
وأم تمام أولادها أيتام
رغم القسية معرفتش بغية
تمسح وتكنس وكمان خدام
لأجل ولادها تعلى الهام
ويفتخروا بيها مينكروش
ودا راجل دين ودقنه متين
عطف وإحسان والنية طين
بس خلي بالك
كل قناع جميل خداع
مهما غدر أو حتى وباع
هييجي له يوم ولا هيدوم
وساعتها الناس ما تحترموش
**************************
بقلم / مصطفى كرم
ليست هناك تعليقات:
إرسال تعليق