...................
Magdy Elmansourey
....................
ليه يا دنيا
بقلمى /مجدى المنصورى
******************
يا دنيا انتى مش تمام
فين الحلال فين الحرام
لحظه تنقلب الموازيين
ولحظه يتغير النظام
المجتهد فى البرد صاحى
و الفاشل ع الحرير ينام
الفاشل فى العلالى
صيته عالى يلالى
المجتهد يا عينى نايم
علــى سلـم الخُدَّام
تبيعى المجتهد ببلاش
وتشترى الفاشل بالجرام
قوليلى يا دنيا
قوليلى ايه النظام
الفاشل تمجدى في حياته
تزودى على المجتهد الكلام
تِصَعَّبى عليه معيشته
و تخلى عيشته ظلام
والفاشل حياته سعد
وفى المقدمه قدام
ناس مش لاقيه رغيف
وناس تِـدوس ع الطعام
ناس مش لاقيه تلبس
وناس لابسه ريش نعام
قوليلى يا دنيا
قوليلى ايه النظام
خايف انام بإسمى مجدى
أصبح ألاقى نفسى وسام
قوليلى مين الصح فيكى
الفشل فيكى ولا الإلتزام
Magdy Elmansourey
5/3/2021
أتقدم بخالص تحياتى وتقديرى واحترامي لمجلة أكاليل و رئيس مجلس الاداره و الكادر الادارى المميز وجميع أعضاء المجله لتوثيقهم حروفى
ردحذف