...........
ياسر بسيوني
...........
.... يا خسارة الإحساس ...
،،،،،
والحلم جينا نحلمه لقيناه كابوس
ليه القسوة غيرت فينا النفوس
هل فقرنا خلانا علي بعضنا بندوس
وياريته كان فقر أو غني بفلوس
دا فقر أخلاق ماتت معاها ضمايرنا
يارب أنت وحدك اللي عالم بأحوالنا
واحنا السبب في كل اللي بيجرالنا
بعدنا عنك هو ضعفنا وذلنا وهواننا
يا دنيا ليه جناح الحب بقي مكسور
رجله متكتفة وروحه متحاطة بسور
في شمس نهاره مش شايف أي نور
ومين يا حب يقدر يرجعك مجبور
قلوب ماتت مبقاش لها غير دقاتها
وأرواح مدفونة بين أنينها وآهاتها
ناس من غلبها كلامها بقي سكاتها
مين في الكون يقدر يردلها حياتها
يا كل احساس مات ولسه ما اندفن
مين يصحيك أو حتي يجيبلك كفن
أو مين يشتريك وأنت من غير تمن
يا خسارة الإحساس لما يجور الزمن
دي قلوبنا قبل أوانها .. صابها العفن
في الحب قالوا كتير وياما هيتقال
الحب لحن حياة في غنوة او موال
قتل كتير عاشقين ، وياما هد جبال
كتر الكلام حلو لكن العبرة بالأفعال
.....
ياسر بسيوني
،،،،،
والحلم جينا نحلمه لقيناه كابوس
ليه القسوة غيرت فينا النفوس
هل فقرنا خلانا علي بعضنا بندوس
وياريته كان فقر أو غني بفلوس
دا فقر أخلاق ماتت معاها ضمايرنا
يارب أنت وحدك اللي عالم بأحوالنا
واحنا السبب في كل اللي بيجرالنا
بعدنا عنك هو ضعفنا وذلنا وهواننا
يا دنيا ليه جناح الحب بقي مكسور
رجله متكتفة وروحه متحاطة بسور
في شمس نهاره مش شايف أي نور
ومين يا حب يقدر يرجعك مجبور
قلوب ماتت مبقاش لها غير دقاتها
وأرواح مدفونة بين أنينها وآهاتها
ناس من غلبها كلامها بقي سكاتها
مين في الكون يقدر يردلها حياتها
يا كل احساس مات ولسه ما اندفن
مين يصحيك أو حتي يجيبلك كفن
أو مين يشتريك وأنت من غير تمن
يا خسارة الإحساس لما يجور الزمن
دي قلوبنا قبل أوانها .. صابها العفن
في الحب قالوا كتير وياما هيتقال
الحب لحن حياة في غنوة او موال
قتل كتير عاشقين ، وياما هد جبال
كتر الكلام حلو لكن العبرة بالأفعال
.....
ياسر بسيوني
ليست هناك تعليقات:
إرسال تعليق